КМК Қауымдастықтың салық жүктемесі коэффициентін есептеу әдістемесін жетілдіру жөніндегі ұсыныстарын қарастырады
«Алкоголь және никотинқұрамды өнімдерді өндірушілер мен импорттаушылар қауымдастығы» ЗТБ Қазақстан Республикасы Қаржы министрлігінің Мемлекеттік кірістер комитетіне салық жүктемесі коэффициентін (СЖК) есептеу әдістемесін жетілдіру жөніндегі ұсыныстарын жолдады.
Өз өтінішінде Қауымдастық СЖК-ны есептеу кезінде салалық ерекшеліктерді неғұрлым егжей-тегжейлі ескерудің қажеттілігіне назар аударды. Атап айтқанда, әртүрлі салалардағы кәсіпорындарды салыстыру үшін ЭҚЖЖ-ның ірілендірілген кодтарын қолдану талдау нәтижелерінің бұрмалануына және жекелеген салық төлеушілердің салық жүктемесін объективті бағаламауға әкелуі мүмкін екені атап өтілді.
Қауымдастық ЭҚЖЖ кодтарын салалар мен тауарлық позициялар бойынша неғұрлым нақтылауды, сондай-ақ СЖК-ны ЭҚЖЖ-ның 5 таңбалы кодтары деңгейінде есептеу мүмкіндігін қарастыруды ұсынды. Бұл салықтық әкімшілендірудің дәлдігі мен әділдігін арттыруға мүмкіндік береді.
Өтінішті қарау қорытындысы бойынша Мемлекеттік кірістер комитеті Қауымдастықтың ұсыныстары жұмысқа қабылданғанын хабарлады. Тиісті бастамалар салық жүктемесі коэффициентін есептеу тәсілдерін және тәуекелдерді басқару жүйесін одан әрі жетілдіру аясында зерделенетін болады.
Қауымдастық Қазақстан Республикасында бизнес жүргізудің әділ әрі ашық шарттарын қалыптастыру мәселелері бойынша мемлекеттік органдармен өзара іс-қимылды жалғастырады.
Сондай-ақ, «Бәйтерек» ҰБХ бағдарламаларына ЭҚЖЖ 11.01 кодын енгізу бойынша жұмыстар жалғасуда
Қауымдастық ЭҚЖЖ 11.01 «Спиртті ішімдіктерді айдау, ректификациялау және араластыру» қызмет түрін «Бәйтерек» ҰБХ АҚ құрылымдары арқылы іске асырылатын кредиттеу және қаржылық қолдау бағдарламаларына қатысу құқығы бар қызмет түрлерінің тізбесіне енгізу арқылы отандық өндірушілерді мемлекеттік қолдау шараларын кеңейту бойынша жүйелі жұмысты жалғастыруда.
Осы мақсатта Қауымдастық Ұлттық экономика министрлігіне, Өнеркәсіп және құрылыс министрлігіне, Қаржы министрлігіне, Ауыл шаруашылығы министрлігіне, «Атамекен» Ұлттық кәсіпкерлер палатасына, сондай-ақ «Бәйтерек» ҰБХ АҚ-на және оның еншілес ұйымдарына ресми хаттар жолдады.
Өтініштерде сала кәсіпорындарының өндірістерді жаңғыртуға, жаңа жұмыс орындарын құруға, экспорттық әлеуетті дамытуға елеулі инвестициялар салып отырғаны және жыл сайын бюджетке қомақты салық түсімдерін қамтамасыз ететіні атап өтілген. Сонымен қатар, экономикалық қызметтің басым түрлерінің қолданыстағы тізбелері алкоголь өнімдерін өндірушілердің бірқатар жеңілдетілген кредиттеу және қаржыландыру бағдарламаларына қатысуына мүмкіндік бермейді.
Қазіргі уақытта бұл мәселе ведомствоаралық пысықтау сатысында тұр.
Қауымдастық мемлекеттік органдармен және мүдделі ұйымдармен тұрақты өзара іс-қимылда болып, қабылданатын шешімдер отандық өндірістің одан әрі дамуына, инвестициялар тартуға, кәсіпорындардың бәсекеге қабілеттілігін арттыруға және жұмыс орындарын сақтауға ықпал етеді деп сенеді.
Бастаманы қарау барысы және атқарылған жұмыстардың нәтижелері туралы Қауымдастық сала қатысушыларын қосымша хабардар ететін болады.
